(1+1+3)+3=1+1 Ինչպե՞ս: Հրաշալի մարդկանց հրաշալի օրենքներով

Նրանք 1+1+3 են: Ահնիձորցի Հակոբյանների տան տղամարդիկ. պապիկը, հայրը և տղաները: 1+1-ը՝ տատիկն ու մայրիկը: Իսկ հանկարծակի հայտնված 3-ը՝ մենք. ես, Արսենն ու Վռամը: Թող ների ինձ ընկեր Լիանան /մեր մաթեմատիկայի գեղեցկուհի ուսուցչուհին/, և թող ներեն ՛՛Պատանի մաթեմատիկոսի՛՛ կազմակերպիչները /նրանք սպասում են ինձ մրցույթի եզրափակիչ փուլին/, բայց այո, Ահնիձորում, որտեղ ՛՛Մենք ենք ու մեր սարերը՛՛, հնարավոր է 1-ին գումարել 1, հետո 3, հետո էլի 3 և ստանալ 2: Ես կարծում եմ, որ ինձ հետ կհամաձայնվեր նաև այս գյուղի, և ոչ միայն, պարծանքը՝ Հրանտ Մաթևոսյանը, որովհետև այս հավասարությունը մարդկային փոխհարաբերությունների մասին է, հրաշալի մարդկանց հրաշալի օրենքների:

Մայիսի 6-8-ը Նոր դպրոցի մի խումբ սովորողներով տիկին Մարգարիտի և Գայանեի հետ Լոռիում էինք՝ Ահնիձորում և Դսեղում:

ԱՀՆԻՁՈՐ

Ես հասկանում եմ, որ հիմա դուք անհամբերությամբ ուզում եք տեսնել” ընտանիք + 3” լուսանկարը, բայց ……մայրիկս ճիշտ է ասում՝ լավ չեմ աշխատել, և մեզ հյուրընկալած Հակոբյանների ընտանեկան լուսանկարը, խոստանում եմ, անպայման կանեմ հաջորդ գնալուց 🙂 Բայց առանց լուսանկարի էլ կարող եմ ասել, որ նրանք, իսկապես, բարի, աշխատասեր, ազնիվ ու հարգարժան մարդիկ են: Ես պեղեցի տիկին Մարինեի ու տղաներից երկուսի մի լուսանկար` համացանցում )

ՀԱԿՈԲՆ ՈՒ ԷՐԻԿԸ ՄԱՅՐԻԿԻ ՀԵՏ

Մենք տարվել էինք մեր ՛՛եռօրյա ընտանիքի՛՛ շներով, ուլիկներով ու այծերով: Արսենը քիչ էր մնում շնիկին Երեւան բերեր, Կառլսոնի Մանչուկի պես: Իսկ այծիկները……հենց նրանց մասին է կամակորների հեքիաթը 🙂

ՄԱՅՐԱԿԱՆ ՍԵՐ

ԱՐՍԵՆՅԱՆ ՍԵՐ ԿԱՄ ՍԵՐ ԱՄԵՐԻԿՅԱՆ ՁԵՎՈՎ 😀 🙂

ԱՅԾԻԿԱՅԻՆ ՄԵՆԱՄԱՐՏ

ՀԱՆԴԻՍԱՏԵՍՆԵՐԸ

Իսկ կանաչ դաշտի այս դրախտային տեսարանը Մաթևոսյանի ՛՛Կանաչ դաշտում՛՛ էր: Պատկերացնում եք, մենք այստեղ տեսանք գուցե հենց այն փրկված քուռակին՝ իր քուռակի հետ….չգիտեմ…..: Երանի Հրանտ Մաթևոսյանին. նրա մանկությունն այստեղ է անցել, անբիծ այս դաշտերում…..

ԱՇԽԱՐՀԻ ՈՒԺԵՂԱԳՈՒՅՆ ՍԵՐԸ ՄԱՅՐԱԿԱՆՆ Է