Հինգշաբթի, կինո-ֆոտո դասընթացի ժամանակ, իմանալով, որ մեր հյուրն է հոգեբան Լիլիթ Շահբազյանը, ակամայից ծիծաղեցի: Ախր այնքան լավ ժամանակ ենք անցկացրել նրա հետ նախորդ անգամ, որ հաճույքով հազար անգամ կհանդիպեի: Մեր նախագծի անունը դրեցինք՝ «Խաղաղությունը սկսվում է ինձնից»:
Այս անգամ որոշեցինք նկարել մեր գունավոր աշխարհը: Ընկեր Լիլիթը ամեն մեկիս տվեց էլ տարբեր գույների թղթեր, էլ գուաշ, էլ մատիտ, էլ կավիճ և բոլոր այն բաները, որոնք պետք են գալիս ստեղծագործելու ժամանակ: Իհարկե, սկզբում դժվար էր մտածել, թե ինչպես պատկերեմ իմ գունավոր աշխարհը, երբ հիշեցի ՄԱԺԵՏԸՐԻՍ մասին: Որոշեցի պատկերել մի մարդու դեմք, ում աչքը արհեստական է /հիմա կասեմ ինչու/ և հետին ֆոնին Մաժետըրս:
Մաժետըրի գույներն այնքան լավ չստացվեցին, սակայն որոշեցի, որ դա մարդկության արդյունքն է: Իսկ մարդու դեմքն ամբողջովին գունավորեցի տարբրեր գույներով, և պատերեցի մի շատ հետաքրքիր աչք, որը արհեստական աչք է:
Արհեստական աչք որը տեսողությունը լավ է պահում, նույնիսկ քսանչորս ժամ համակարգչի դիմաց նստելուց հետո և նախազգում է պատերազմի վտանգը՝ եթե կա զգուշացնում է տիրոջը: Ընկեր Լիլիթը այդ աչքը շատ հավանեց և կարծիք հայտնեց, որ ապագայում այն կարող է շատ լավ առաջարկ լինել մարդկության համար:
Ահա և իմ նկարը: Այստեղից լավ չի երևում բայց փորձեք պատկերացնել:
Իսկ ամբողջությամբ, այդ բոլոր նկարներով, ստավցվել է մեր կինո-ֆոտո ակումբի գունավոր աշխարհը: Շնորհակալություն ընկեր Լիլիթ, այս հրաշալի հանդիպման համար: Շատ մեծ ցանկություն կունենայի որ այս նախագիծը շարունակական լինի և հանկարծ մի միտք ծագեց, որ լավ կլիներ եթե ընտրությամբ գործունեության նման, ամեն դասարանում շաբաթական մեկ ժամ լիներ հանդիպում ձեր նման հոգեբանների հետ:
Հ.Գ
Ընկեր Անի ջան, շատ շնորհակալություն այս նկարի համար: Համարյա կես ժամ ծիծաղել եմ:
Մեր լուսանկարները՝ Անի Սարգսյանի, Ազատուհի Հարությունյանի
Շնորհակալություն սիրելի Արամ: Քո հրաշալի, գունեղ, համով արձագանքը ինձ համար ամենաբարձր գնահատականն է:
ՀԳ. Ես էլ եմ կես ժամ ծիծաղել այդ լուսանկարին նայելով 😊 ընտիր լուսանկար է!
Ձե՛զ ենք շնորհակալ: Դուք հրաշալի հնարավորություն եք ընձեռնում ավելի լավ ճանաչել մեր ընկերներին 🙂 😀
[…] մոլորակների մասին ապագայի պատկերացումները։ Արամի՝ «Մաժետըրը» և «տեսողությունը լավ պահող արհեստակ… ապագայում բարձր տեխնոլոգիաների միջոցով […]
[…] մոլորակների մասին տղաների ապագայի պատկերացումները։ Արամի՝ «Մաժետըրը» և «տեսողությունը լավ պահող արհեստակ… ապագայում բարձր տեխնոլոգիաների միջոցով […]